بما أن موقع أبوورك هو من أقوي مواقع العمل الحر فى مجال الفريلانسنج, فهما حاطين شروط عشان يقبلوا الفريلانسرز الجداد, ودي بتبقي عقبة قصاد أي حد لسه بيبدأ فى مجال العمل الحر من البيت, وبيبني البروفايل بتاعه..

وبما أن النصيحة الأولي دايما كانت أنك عشان تتقبل على موقع أبوورك, فأنت بتسجل بمهارات مش ملكك عشان تخدع الموقع ده.. فحبيت أني أنبه أن ده خطأ كبير بيهدد أكونتك على موقع ابوورك, وممكن بكل بساطة تلاقي:
Your Upwork account has been suspended
وده لأنك خالفت شروطهم وقوانينهم اللي انت المفروض وافقت عليها..

في الفيديو ده هشرح بالظبط بإذن الله أزاي موقع أبوورك بيقبل أكونتك لما تسجل, وايه الخطوات المتبعة فى التسجيل, وأزاي تعلي من فرصة قبولك فى المجالات التنافسية, وكمان أيه اهم المهارات اللي تقدر تشتغل بيها فى الفترة الحالية واللي عليها طلب فى المستقبل فى مجال العمل الحر عن طريق البيت بالكمبيوتر الشخصي ليك.

أتمني يكون فيديو مفيد بإذن الله, ومتنساش تقولي فى التعليقات لما أكونتك يتقبل على خير


محتوي الفيديو

0:00 أحذر لأكونتك يتقفل
0:46 قوانين موقع أبوورك
2:09 أزاي تتقبل على أبوورك


About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey