مهما كان مستواك فى مواقع العمل الحر كفريلانسر, أو حتي لو لسه بتفكر فى مجال الشغل فى مواقع الفريلانسنج. فالفيديو ده هيبقي مهم ليك بإذن الله عشان يحدد ليك أهم 10 أخطاء ممكن تتعرضلها فى أي شغل على الانترنت .
يمكن تركيزي بيبقي معظمه فى موقع ابوورك للفريلانسرز, بس تظل النصائح اللي في الفيديو ده, نصائح شاملة لكل المجالات.. أنا اتعرضت لمعظمها تقريبا فى خلال ال 6 سنين اللي اشتغلت (ومازلت) على المواقع دي.
وافتكر فى النهاية أن ده شغل, ومحتاج منك سعي واجتهاد ودراسة لطرق العمل دي. وافتكر انك بتجيب فلوس من المواقع دي, وهتبقي مسؤول عن مصدر الفلوس دي بتجيبها منين, وهتصرفها في ايه.
لو حسيت ان المحتوي كان مفيد ليك, فأفتكرني بدعوة, وممكن تشترك فى القناة من هنا عشان تشوف الفيديوهات الجاية بإذن الله:
ممكن تفيدك مع الفيديو ده:
ازاي تحسب سعر شغلك فى مواقع الفريلانسنج:
https://youtu.be/4nqrOzW_H9E
الفرق بين مواقع العمل الحر المختلفة:
https://youtu.be/dVuAflYiL-k
محتوي الفيديو
0:00 أشهر 10 أخطاء للفريلانسرز
0:17 النصيحة الأولي
الالتزامات المادية مهمة جدا فى أستقرار أي شغل, فخد بالك من النقطة دي
01:00 النصيحة الثانية
الفريلانس هو شغل, محتاج يكون ليك هدف واضح فيه. بتشتغله ليه, وايه طموحك فيه. وده عشان متبقاش مشتت بعدين. وتيجي فى النص ومتقدرش تكمل
02:29 النصيحة الثالثة
العقد بينك وبين العميل لازم يكون واضح جدا, وده عشان تتجنب المشاكل اللي ممكن تحصل بعدين. ويبقي الشغل سهل والتعامل مريح.
03:15 النصيحة الرابعة
ازاي تحسب سعر شغلك فى مواقع الفريلانسنج, وممكن تشوف الفيديو من هنا
https://youtu.be/4nqrOzW_H9E
03:25 النصيحة الخامسة
قوانين الموقع اللي بتشتغل عليه, مهمة جدا ليك عشان تحمي نفسك بعدين
04:20 النصيحة السادسة
العميل دايما على حق ^^ قاعدة مهمة متنسهاش. وده لمصلحتك فى الآخر
5:16 النصيحة السابعة
متقبلش اي عميل وخلاص
6:35 النصيحة الثامنة
تطوير نفسك فى سوق العمل الحر, هو الضمان الوحيد لاستمرارك فيه
7:20 النصيحة التاسعة
ركز فى موقع واحد فى البداية وشوف الفيديو ده للفرق بين المواقع:
https://youtu.be/dVuAflYiL-k
08:09 النصيحة العاشرة
مفيش اختلاف ان دي اهم نصيحة فيهم ^^ فركز فيها جدا, وطبقها ^^ وبالتوفيق ليكم بإذن الله
About me:
فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.
الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير
أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.
فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^
#Freelancing #فري_لانسنج #Sebaey