الناس اللي أنتوا شايفينهم دول وغيرهم كتير على مواقع العمل الحر المختلفة, قدروا أنهم يكسبوا آلاف من شغلهم فى مجال سيو اليوتيوب, عن طريق أنهم يساعدوا قنوات غيرهم في أنها تحقق أفضل نتائج ممكنة ويديروها بكل أحترافية, وده مش بس عن طريق انهم بيعلوا ترتيب الفيديوهات فى محرك البحث, لأن الموضوع أكبر من كده بكتير.. وده اللي بيفرق ما بين محترف وهاوي فى مجال السيو

Youtube SEO - ايه هو سيو اليوتيوب؟
هو بكل بساطة قدرتك فى أنك تخلي الفيديوهات ملائمة لليوتيوب, من حيث الكلمات المفتاحية ووصفها والصور المصغرة, ويمكن دي أشهر الحاجات اللي كلنا نعرفها, بس الناس اللي أنا ذكرتها فى الفيديو محترفة عن كده, ومش محصورين فى كام حاجة فقط ممكن أي حد يعملها .. لا .. دول عندهم خبرات أفضل وأقوي
وده اللي هحاول بإذن الله أشرحه فى السلسلة دي بالتفصيل

فلو عاوز تقدر تشتغل فى مجال السيو لليوتيوب وإدارة القنوات المختلفة للعملا, فهتلاقيني هشرح بإذن الله بالتفصيل أزاي تحاول تجيب عملا, وازاي تشتغل معاهم, وايه النقط اللي ممكن تديك أفضلية فى شغلك معاهم فى مجال اليوتيوب

تابع الفيديوهات القادمة من السلسلة دي, وأتمني أنك تستفيد بيها بإذن الله



About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey