مجال إدارة قنوات اليوتيوب والسيو الخاص بيها بقي من أهم المجالات فى العمل الحر عموما, وده لأنك ممكن تعتبر قناة اليوتيوب الخاصة بيك هي عمل حر ليك, أو أنك ممكن تستخدم مهاراتك دي فى إدارة ونجاح قنوات يوتيوب لعملا تشتغل معاهم على مواقع العمل الحر المختلفة.

في الفيديو ده حبيت أشارك معاكم 7 مهارات أساسية لازم يكونوا معاك عشان تقدر تشتغل فى المجال ده, وتقدر تنافس ناس كتير جوه المجال وتتفوق عليهم بإذن الله.


سلسلة شرح إدارة قنوات اليوتيوب وسيو اليوتيوب:
البرنامج اللي بستخدمه فى شغلي لإدارة أي قناة يوتيوب للعميل) - لينك برنامج Tubebuddy
https://www.tubebuddy.com/Sebaey

(ملحوظة, ده لينك حاجة أسمها أفلييت- يعني لو أنت سجلت فى النسخة المدفوعة فهيبقي ليا نسبة من المبلغ ده - بس النسخة المجانية كافية كبداية ليك)

وده اللينك العادي للموقع:
https://www.tubebuddy.com

Youtube SEO - ايه هو سيو اليوتيوب؟
هو بكل بساطة قدرتك فى أنك تخلي الفيديوهات ملائمة لليوتيوب, من حيث الكلمات المفتاحية ووصفها والصور المصغرة, ويمكن دي أشهر الحاجات اللي كلنا نعرفها, بس الناس اللي أنا ذكرتها فى الفيديو محترفة عن كده, ومش محصورين فى كام حاجة فقط ممكن أي حد يعملها .. لا .. دول عندهم خبرات أفضل وأقوي
وده اللي هحاول بإذن الله أشرحه فى السلسلة دي بالتفصيل


محتوي الفيديو:
0:00 أهمية ال 7 مهارات المختلفة
0:24 1) A YouTube Channel Audit
1:08 2) Keyword Research
2:05 3) Retrospective Optimization
3:07 4) Ongoing Channel Management
3:41 5) Ongoing Consultation
4:05 6&7) Thumbnail Creation & Video Editing




About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey