شاشات النهاية لليوتيوب هي واحدة من أهم المهارات اللي الواحد لازم يتقنها ويعرف أسرار أستخدامها ايه, ودي لوحدها من أهم الحاجات اللي براجعها فى تقييم أي قناة يوتيوب Endscreens
لو عاوز تعرف باقي أسرار إدارة وتقييم أي قناة يوتيوب, شوف الفيديو ده:
https://youtu.be/D-SwuPaIfbs


من أهم خوارزميات اليوتيوب في السيو أنه يرتب الفيديو تبعك ويخليه يتصدر محركات البحث فى اليوتيوب, هو أن الفيديو ده يحقق أهم حاجة لمصلحة اليوتيوب نفسه, وهي أنه المشاهد لما يتفرج علي فيديو, ميسيبش الموقع ويمشي, ويكمل مشاهدة فيديوهات تاني أكتر وأكتر, ودي الحاجة اللي بتحققها شاشات النهاية على فيديوهات اليوتيوب


فحاول تخلي شاشات النهاية واضحة وصريحة وليها علاقة بالفيديو لأقصي درجة, وده عشان تقدر تحقق أفضل نتيجة ممكن منها عشان الفيديو تبعك يقدر يظهرك فى محركات البحث وكفيديوهات مقترحة ويتفوق على سيو اليوتيوب ويبقي ليك مشاهدات أكتر, وأكتر

Youtube SEO - ايه هو سيو اليوتيوب؟
هو بكل بساطة قدرتك فى أنك تخلي الفيديوهات ملائمة لليوتيوب, من حيث الكلمات المفتاحية ووصفها والصور المصغرة, ويمكن دي أشهر الحاجات اللي كلنا نعرفها, بس الناس اللي أنا ذكرتها فى الفيديو محترفة عن كده, ومش محصورين فى كام حاجة فقط ممكن أي حد يعملها .. لا .. دول عندهم خبرات أفضل وأقوي
وده اللي هحاول بإذن الله أشرحه فى السلسلة دي بالتفصيل



محتوي الفيديو:
0:00 مقدمة
0:50 من أهم خوارزميات اليوتيوب
1:33 أهمية شاشات النهاية
2:28 كيف تستعمل شاشة النهاية بطريقة صحيحة



About me:
فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير

أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^

#شاشات_النهاية #سيو_اليوتيوب