كتير مننا صعب جدا يصور محتوى في فيديو واحد بدون اعادة و لغبطة مرة و اتنين و عشرة ، الحقيقة ان المشكلة دي حصلت معايا شخصيا في اول فيديو ليا ينزل على القناة و اللي كان مدته 3 دقايق و لكن تصويره اخد مني ما يقرب ل ساعتين و نص
منكرش ان الموضوع كان متعب جدا لأن كان اول فيديو ليا اصوره و بالتالي بدأت احس بالاحباط و اسأل نفسي لما فيديو مده 3 دقايق اخد مني الوقت دا كله طيب لو فيديو اكبر هاخد فيه وقت قد ايه ؟
لحد ما حد من أصحابي رشحلي برنامج اقدر اقرأ منه المحتوى بتاعي و انا بصور في نفس الوقت و بالفعل فرق معايا جدا و دا اللي خلاني اعتبره أسهل طريقة تصور بيها محتوى لقناة اليوتيوب بالموبايل و بدون لخبطة و من أول مرة ، فيلا بينا نعرف ايه هو البرنامج دا وازاي نستخدمه و ايه هي مميزاته و عيوبه
فيديو النهاردة مهم جدا لكل صانعي المحتوى اللي بيعانوا كتير في تصوير فيديوهاتهم و بيبقى صعب عليهم انهم يصورا أي فيديو من أول مرة
بدون ما يلخبطوا و يعيدوا التصوير اكتر من مرة لحد ما يلاقوا نتيجة مرضية
تابعوا الفيديو للنهاية و متنسوش تكتبوا رأيكم في التعليقات
0:00 مقدمة
0:52 برنامج Bigvu
1:51 كيفية استخدام البرنامج
6:50 عيوب برنامج Bigvu
Youtube SEO - ايه هو سيو اليوتيوب؟
هو بكل بساطة قدرتك فى أنك تخلي الفيديوهات ملائمة لليوتيوب, من حيث الكلمات المفتاحية ووصفها والصور المصغرة, ويمكن دي أشهر الحاجات اللي كلنا نعرفها, بس الناس اللي أنا ذكرتها فى الفيديو محترفة عن كده, ومش محصورين فى كام حاجة فقط ممكن أي حد يعملها .. لا .. دول عندهم خبرات أفضل وأقوي
وده اللي هحاول بإذن الله أشرحه فى السلسلة دي بالتفصيل
About me:
فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.
الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير
أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.
فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^
#سيو_اليوتيوب #تحقيق_الربح #الربح_من_الانترنت