من أفضل برامج التركيز أثناء أداء مهمة محددة أو وظيفة معينة, وحتي عند المذاكرة

برنامج (بومودورو) هو برنامج غني عن التعريف, أنا حقيقي بستعمله من فترة طويلة جدا عشان أقدر أركز على تاسك واحد محدد أثناء العمل الحر فى مجال الفريلانسنج, وده لأن المغريات فى الوقت الحالي كتير جدا عشان تشتتك وتبعدك عن تركيزك, فعشان كده حبيت أني أشرح فى سلسلة قصيرة بعض البرامج اللي بستخدمها فى مجال الفريلانسنج بصفة عامة

وأول فيديو هو عن برنامج
POMODORO



About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey