4 تقارير لازم أي مدير مطعم ذكي يتابعها! لو أنت صاحب مطعم أو مدير تشغيل، أو حتى بتفكر تبدأ مشروع مطعم، الفيديو ده مهم جدًا ليك. في الحلقة الرابعة من كورس محاسبة المطاعم، هنتكلم عن أهم نقطة بتميز المدير الناجح عن المدير العشوائي: متابعة التقارير المالية بشكل دوري.
في الحلقة دي هتتعلم:
تقرير الأرباح والخسائر (P&L)
بيعرفك ببساطة: "أنا كسبان ولا خسران؟"
بيتكوّن من الإيرادات، ناقص التكاليف، ويوضح صافي الربح أو الخسارة.
مثال عملي: لو المطعم باع خلال شهر بـ 100,000 ريال وصرف على المواد الخام (COGS) 30,000 ريال يبقى مجمل الربح = 100,000 - 30,000 = 70,000 ريال
لو صرفت على الرواتب، الإيجار، الفواتير، التسويق = 50,000 ريال يبقى الربح التشغيلي = 70,000 - 50,000 = 20,000 ريال
بعد خصم الضرائب أو استهلاك المعدات (مثلاً 3,000 ريال) يبقى الربح الصافي = 17,000 ريال
تقرير التدفقات النقدية (Cash Flow)
مش بس بيقولك كسبت كام، لكن الفلوس دخلت إمتى وخرجت فين.
ممكن تكون كسبان على الورق، لكن الكاش عندك صفر بسبب مصاريف دفعتها.
تقرير التكاليف (Cost Report)
بيساعدك تعرف بتصرف كام على الأكل، العمالة، وغيرها.
تقدر تقارن بين الشهر ده والشهر اللي فات… هل في زيادة؟ في هدر؟
تقرير المخزون (Inventory Report)
بيقارن بين الكميات اللي المفروض عندك، واللي فعليًا في المخزن.
لو في فرق كبير… يبقى في هدر أو سرقة أو أخطاء في الجرد.
ورقة العمل – ابدأ التطبيق العملي فورًا
ورقة عمل: متابعة الأداء المالي الشهري للمطعم
1. إجمالي المبيعات الشهرية
إجمالي المبيعات: _________ جنيه
2. التكاليف الشهرية
الإيجار: _________
المرتبات: _________
المواد الخام: _________
فواتير (كهرباء/غاز/مياه): _________
تغليف ومستلزمات تشغيل: _________
مصاريف تسويق وإعلانات: _________
صيانة أو مشتريات إضافية: _________
إجمالي التكاليف: _________
3. حساب صافي الربح أو الخسارة
إجمالي المبيعات: _________
ناقص إجمالي التكاليف: _________ = صافي الربح / الخسارة: _________
4. تحليل مبدئي
هل في بند تكاليف عالي محتاج تراجع عليه؟ .............................................................
هل في أيام كانت ضعيفة في المبيعات؟ .............................................................
إيه أهم صنف كان عليه طلب كبير؟ .............................................................
5. متابعة المخزون مثال:
الصنف: فراخ
الكمية على الورق: 50 كجم
الكمية الفعلية: 45 كجم
الفرق: -5 كجم
ملاحظات: احتمال هدر أو سرقة
متنساش تعمل لايك للفيديو، وتشترك في القناة، وتفعل الجرس علشان توصلك باقي الحلقات.
شاركنا رأيك في التعليقات: إيه أكتر تقرير حاسس إنه مهم تبدأ تتابعه فورًا في مطعمك؟
اعرف اكتر عن خدماتنا من خلال الرابط التالي
https://66219dc408ba1.site123.me/
لحجز استشارة او كورس من الكورسات المتاحة تواصل مع خدمة العملاء من خلال الرابط التالي
https://wa.me/message/DF6V24CAZOEDP1
©2025 Copyright khairy showman.خيرى Channel. All rights reserved
#محاسبة_المطاعم #تقارير_المطاعم #ادارة_مالية #كورس_مطاعم #خيرى_شومان #مطعم_ناجح #restaurant_finance #مطعمي_يكسب