الفيديو الأول في سلسلة سلاسل الإمداد والتوزيع بالعربي
Supply chain management

سلاسل الإمداد
اللوجيستيات
إدارة الأعمال
المورد إلى الشركة إلى العميل

السابلاي تشين بنسمع الكلمه كتير وخاصه زادت في وقت كورونا والوباء والناس مش بتعرف تخرج طول الوقت فممكن تسأل على اي حاجه ممكن تكون مش موجوده السبب في كدا هو نقص الامداد او التوزيع بتاعها فالسابلاي تشين هو المسئول عن وصول الخدمه او المنتج للأشخاص في أقرب مكان يقدرو يوصلوله او لحد عندهم او ايا كان هي الفكره نفسها في الوصول على حسب استراتيجيه البيزنس.
فهو يعتبر أحد أنشطه البيزنس اللي منها تسويق إداره عمليات فاينانس هدفه تقديم قيمه للعميل وهو توصيل الخدمه او المنتج من المصدر الرئيسي إلى المستخدم الأخير end user بشكل مناسب للعميل مناسب لتوقعاته يعني العميل عارف انه رايح صيدليه رايح مستشفى رايح سوبر ماركت يشتري اي حاجه متوقع انه يلاقيها بالشكل اللي هو محتاجه، وفي نفس الوقت متماشي مع القوانين الحكوميه والبيئه والمنافسه وكل الحاجات دي.
فلما نيجي نعرف السابلاي تشين نقول هي شبكه تعمل على إيصال المنتج أو الخدمه من كونها ماده خام إلى العميل النهائي في صوره حاجه يقدر يستخدمها بعد ما تمر على عدد من العمليات والتصنيع.
المراحل في كتير من الأوقات بتكون طويله جدا
ممكن المنتج تبدأ مرحله حياته من سابلاير في مكان ما يروح لساابلاير كمان ومنه لأخر يروح يشتري منه المصنع اللي هيصنع وبعدين يجي إيجينت او موزع كبير ياخد من المصنع ياخد منه موزع صغير او مكتب توزيع يروح من عنده للريتيلر اللي هو المحل مثلا ومن هناك يقدر ياخدها العميل. مثال إزاره الميا.

فإداره بقا سلاسل الإمداد هي تصميم وتخطيط وتنفيذ والتحكم ومراقبه أنشطه السابلاي تشين من أجل تقديم خدمه او قيمه إضافيه للعميل وعمل ميزه تنافسيه

طبعا السابلاي تشين لو كويسه تقدر تقدم ميزه تنافسيه قويه للشركات وتبقا نتكلم عن الميزه التنافسيه في وقت تاني.

فهي تعتبر ٣ مراحل كبار أساسيه
Up stream وهي السابلايرز
Downstream وهي التوزيع والريتيل والوصول للعميل
وفي المنتصف عمليه التصنيع

كل مرحله من المراحل دي ممكن يكون تحتها شركات كتير بس كل مرحله اسمها elechon
يعني السابلاي ايليكون، التجميع consolidation ايليكون والتصنيع والتوزيع والريتيل وهكذا دي كل مرحله لوحدها.

بس في الاخر مش شرط كل حاجه تمر بكل الخطوات دي ممكن مصنع يبيع للعميل بشكل مباشر ويلغي كل التوزيع والريتيل ودي بنشوفها كتير حاليا.

في السلسله دي عندنا ٣ أنواع من ال flow
وهم:
Information المعلومات لازم تكون طول الوقت رايحه جايه في الاتجاهين demand, design
Cash ودي بشكل عام بتكون upstream لان مثلا الموزع هياخد منتجات من المصنع ويدفع فلوس مقابلها وتروح للعكس لو حصل مرتجع
Materials and services ودي المسار الطبيعي انها من السابلايرز للمصنع للموزع للعميل، وفي نفس الوقت ممكن يحصل مرتجع فيمشي بالعكس ودا اسمه reverse logistics