كينيا بوابة الجحيم Hells gate national Park

 

من رحلة كينيا .. زيارة Hells gate national Park او بوابة الجحيم
-العمله الكينيه هي الشلن الكيني .. ال 5 شلن كيني = 1 جنيه مصري
- لو انت في نيروبي هتركب ماتاتو او ميكروباص من الموقف ف وسط البلد او بيقولوا عليه وسط البلد ال cbd يعني central business destrict ب 250 شلن كيني لحد بلده اسمها نايفاشا naivasha , و من نايفاشا لحد hells gate national park ميكروباص بردو ب 100 شلن كيني . المسافه كلها حوالي ساعتين .
-الميكروباص بينزلك بعيد عن مكان مكتب التزاكر حوالي 2 كيلو .. و الناشيونال بارك دا واسع جدا مساحه ضخمه لازم تاخد تاكسي جوه او تأجر عجله .. ايجار العجله لمدة 4 ساعه 500 شلن كيني .
-بتدخل البارك بتذكره قيمتها 26 دولار امريكي و مش بيقبلوا كاش .. فيزا فقط .
-في جوه البارك spa >> و ممكن تبات جوه الكامب بس لو هتبات لازم تقول للراجل عند مكتب التزاكر انك هتبات عشان يأجرلك خيمه و مرتبه للنوم .. و الافضل تكون جاهز بخيمتك و ال sleeping bag بتاعتك .
- ممكن تزور ال gorge كمان منطقه جميله جدا و في hot springs >> لازم مرشد يكون معاك في لمنطقه دي هما هيجولك .. ادفع 300 شلن بس و فاصل علي اد ما تقدر .
-دا الناشيونال بارك الوحيد اللي في كل الحيوانات ما عدا المفترسه عشان كده تقدر تمشي براحتك .


ليصلك منشورتنا وكل جديد على الفيس بوك اضغط هنا

اقرأ ايضا

إزاى تحوّش فلوس السفر؟

المقالات

الدورات التدريبية