× ×
منصة معارف التعليمية

افضل تطبيق يساعدك على زيادة تركيزك


اغلبنا بنعاني من مشكلة التركيز لما نقرر نعمل اي حاجة سواء بقي مذاكرة او شغل او اي حاجة محتاجين نعملها....

انتشرت apps كتيرة بتساعد علي التركيز وانك تفصل الموبايل بيها والكلام دا وانهاردة هنتكلم عن واحد من اكتر ال apps المشهورة والمميزة وهو forest (الغابة)...

ال app دا فكرته انك بيكون عندك غابة خاصة بيك وبتزرع فيها شجر وكدا ... كل ما بتظبط وقت تركز فيه طول ما انت بتخلص اللي وراك بيكون في شجر بيتزرع عندك في الغابة وتقدر تحدد كل شجرة اتزرعت وانت بتعمل اية ...

الفكرة ان كل فترة زمنية ليها شجرة يعني هتظبط عشر دقايق تركيز تزرع زرعه معينه ... هتظبط 30 دقيقة يبقي هتزرع حاجة غير لما تركز 60 دقيقة وهكذا ...

من الميزات اللطيفة في ال app دا هو انك تقدر وانت مركز تشغل من جوا ال app دا اصوات بتساعد علي الإسترخاء وبيكون مفتوح ليك اول ما تنزل ال app الصوت بتاع المطر في الغابة و حقيقي جميل جدا ومريح جدا للاعصاب

وبعد كدا تقدر تشتري اصوات تانية وانواع شجر تانية بردو عن طريق ال coins اللي بتاخدها كل ما تزرع شجر وهكذا....

اهم حاجة بقي انك مينفعش طول ما ال app بدأ يحسب وقت انك تخرج من ال app ولو خرجت وحاولت تفتح اي app هيقفلهولك وهيرجعك تاني ليه وهيقولك انك لو عايز تخرج لازم تقتل الشجرة اللي بتتزرع واحب اقولك ان

الشجرة الميتة دي بردو هتتحط في الغابة بتاعتك وشكلها مش هيكون اظرف حاجة
من العيوب من وجهة نظري انك مينفعش تختار apps استثنائية ينفع تتفتح والشجر بتاعك بيتزرع يعني مثلا لو انت بتذاكر واحتجت google translate مثلا او Google لاي سبب مش هتقدر تدخل لل app انك بتحتاج الشئ دل

ودي حاجة انت تقدر تعملها فعلا في forest بس لازم تشترك في ال app وتدفع وكدا واللي هي ميزة apps كتير بتقدمها فعلا و for free..

من الحجات المدفوعة بردو بس حقيقي تستاهل وانا شخصيا لو في يوم اشتركت في ال app دا هيكون عشانها وهي انك تقدر تبدأ تدفع وتساهم وتزرع شجر حقيقي في الواقع وهتلاقي صور للحجات دي عندهم وعدد الشجر

الحقيقي اللي اتزرع عن طريق ال app دا واللي هي فعلا حركة حلوة جدا بجد

ودا كان ال app بتاع انهاردة متنسوش تجربوه وتقولولي رأيكم وقولولي لو عايزيني اتكلم عن نوع apps معينة

وداlink ال app علي Google play :

إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
تعرف على مواقع ترجمة بديلة عن ترجمة جوجل وليست ترجمة حرفية
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا