× ×
منصة معارف التعليمية

افضل إضافات متصفح جوجل كروم ستجعل حياتك افضل


لو بتستخدم الكمبيوتر في الدراسة أو الشغل أو في لِعب المزرعة السعيدة حتى؛ فـ دول إضافات لمتصفح جوجل كروم هيسهلوا عليك حياتك واستخدامك للإنترنت.
1- CLUT: Cycle Last Used Tabs:
بتتصفح تابات كتيرة في نفس الوقت وبتتوه أثناء التنقل بينهم؟ دي إضافة هتخيلك لما تدوس زرارين Ctrl + W هتوديك للتاب اللي لسه كنت فيها.

2- The Great Suspender:
لو بتتصفح تابات كتيرة، فالإضافة دي وظيفتها تخلي أي تاب مش فاتحها تتوقف عن استهلاك للبطارية والنت في الخلفية (مهمة).

3- Adblock Plus:
الإضافة الغنية عن التعريف اللي بتعطل لك الإعلانات على المواقع اللي بتتصفحها.

4- OneTab:
لو عندك مجموعة كبيرة من التابات مفتوحة، وعايز تتصفحهم بعدين أو تبعتهم لحد، فبمجرد ما تدوس على الإضافة دي هيتلموا كلهم في صفحة واحدة ويبقوا عندك ترجع لهم أو تشاركهم مع غيرك.

5- New Tab Draft:
لو بتشتغل في الكتابة أو بتحب تاخد ملاحظات كتيرة فالإضافة دي هتحول لك أي تاب بتفتحها لمسودة تسجل فيها ملاحظاتك.

- لو مش عايز اللي فوق فإضافة Year Progress بتحول لك أي تاب جديدة لصفحة فيها خلفية جميلة وقائمة مهام To-do تسجل فيها اللي عايز تعمله في اليوم، وكمان فيها بار هيعرض لك قد إيه فات من السنة، ممتاز البتاع ده في إنه يفكرك كل يوم إنك بتقرب من الموت أكتر وتودع الحياة. شكرا للمطور الجامد Ahmed Abdelsalam على الإضافة دي.

7- News Feed Eradicator:
دي إضافة وظيفتها إنها تلغيلك النيوز فيد بتاعة فيسبوك/تويتر/ريديت وتجيب لك صفحة فاضية فيها اقتباس ملهم عشان تقلل من وقتك اللي بيضيع عليهم.

8- Mate Translate:
أهم إضافة في البوست: إضافة مهمتها ترجمة أي كلمة أو جملة مش عارف معناها وانت بتتصفح أي موقع من غير ما تخرج منه ولا تروج لترجمة جوجل. (ضروري: شوف شرح طريقة تفعليها في أول تعليق تحت).

9- StayFocusd:
باينة من اسمها، إضافة بتساعدك تركز أكتر وبتقفل لك المواقع اللي بتستهلك وقتك على الفاضي، انت عارفهم فمش هذكرهم.

10- GoFullPage:
إضافة بتخليك تاخد سكرين شوت من موقع بالكامل في صورة واحدة وبجودة عالية. مش عارف إيه لازمتها مع توفر النت الأيام دي، بس كنت بستخدمها زمان كتير فقولت احطها جدعنة مني.

11- Mercury Reader:
لو كنت من قراء المقالات؛ فالإضافة دي بتنضف لك أي صفحة من أي مشتتات وبتعرض لك نص المقال نفسه والصور وحاجة قمة المينيماليزم في نفسها.

12- Grammarly:
إضافة لخدمة فحص أخطاء الكتابة المشهورة، اللي بتساعدك تكتب إيميلات أو أي شيء بالإنجليزي بشكل خالي من الأخطاء الكتابية بأكبر قدر.

13- Cimex:
تاني إضافة لأحمد عبد السلام؛ لو كنت بتشتري أونلاين من مواقع زي سوق ونون والعاق جوميا فـ الإضافة دي بتعرض لك تاريخ زمني لأسعار المنتجات وتعرفك إن كان المنتج اتوفر بسعر أقل من اللي هتشتريه بيه ولا لأ، وكمان بتعرفك لو فيه كوبونات خصم ممكن تستخدمها.

14- Simple Allow Copy:
لو شغال في الكتابة برضو، أو بتعمل أبحاثك وفيه نص عايز تنسخه لكن مش عارف فـ الإضافة دي هتساعدك في حل المشكلة دي.

15- Url Shortener:
إضافة بتساعدك تختصر أي رابط عشان تشاركه مع غيرك (زي الروابط اللي في البوست دي كلها) وتخليه أقصر النص في عدد الحروف.

16- اضافات لمطورى الويب: https://www.aqweeb.com

- أغلب أو كل الإضافات دي هتلاقيها متوفرة لمتصفح فاير فوكس، وتقدر تنزلها لأوبرا كذلك، لكن التركيز في البوست ده على كروم لأنه أشهر متصفح.

- لو مش هتستخدم الإضافة بلاش تنزلها لأن الإضافات الكتيرة بتستهلك موارد جهازك، بس لو عايز ترشيح لأهم الحاجات اللي لازم متفوتهاش فابدأ باللي فوق.

إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
12 موقعا الكترونيا مفيدا
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا