× ×
منصة معارف التعليمية

ازاي نذاكر صح ؟؟


ازاي نذاكر صح ؟؟  √

و ايه الفرق بين المذاكرة العادية و المذاكرة صح ؟؟ 

- الفرق كتيير .. لأنك لو ذاكرت صح , نسبة انك تنسي بتكون قليلة جداً .. و وقت مذاكرتك بيقل .. طيب ده يحصل ازاي بقي ؟؟  

اولاً 

لازم تشوف المُذاكرة بشكل مختلف ( المٌذاكرة مش يعني حفظ و تسمييع ! المُذاكرة يعني فهم حقائق , فهم معلومات .. فهم حاجه اكييد هتنفعني ف يوم .. و ان منفعتنيش ف الحياة العملية ف اكييد هتفدني ف حياتي الشخصية و زيادة مستوي ذكائي )  

ثانياً : خلي المذاكرة شئ ممتع ( يعني لو احنا عندنا الدراسة عبارة عن " رغي ف كُتب " غير انت المنطق دة .. عندك الانترنت .. تقدر تعمل search فيه علي كُل موضوع ف مذاكرتك .. هتلاقي ابحاث و فيديوهات و امثلة و تجارب و 100 حاجه ممتعة عن الموضوع ده )  

شخصيا انا بعمل النقطة دى مع كل المواد بتاعتى  

ثالثاً : نظم وقتك ( مفيش حاجه اسمها افضل 6 ساعات بذاكر !! اصلاً قدرة عقلك متستحملش دة ! ف مثلاً بما اننا ف اول الاسبوع و في بعض الناس عندها امتحانات بعد اسبوع .. ابدأ حط خطة من دلوقتي .. هتذاكر ايه يوم ايه لمدة قد ايه و ال Break هيكون قد ايه و هتتأكد انك فهمت ازاي و هتراجع المُراجعة الاخيرة ازاي .. و هكذا )  

رابعاً : ذاكر بس لمدة 50 دقيقة و خد Break لمدة 10 دقائق .. لأنك لو طولت عن كدة المعلومات هتبدأ تطير (50 دقيقة مذاكرة + 10 دقائق راحة) و كرر المعادلة دي لغاية ما تخلص الجزء الي وراك .

خامساً : الشقة كُلها بتاعتكم  ! مش لاقي غير السريير الي تذاكر عليية !!! السرير دة اكتر حاجه هتفصلك عن التركييز .. حاول دائماً تدور علي مكان مريح بس مش للنوم و تكون الاضاءة فيه كويسة .

سادساً : اكتب كل الحاجات الي شاغلة دماغك ف ورقة .. بجد .. كُل حاجة كُل حاجه .. بعد كدة قطع الورقة دي و ارميها .. التجربة دي اثبتت ان الحاجات دي نسبة انها تيجي ف دماغك تاني بتقل . 

سابعاً : ابدأ دايماً اعمل Notes فيها اهم المعلومات الي وصلتلك ( و الي ف الاغلب بتيجي ف الامتحان ) 

ثامناً : ابدأ باكتر حاجات مهمة وانت عارف انها مهمة قبل ما تستهلك طاقتك الذهنية و البدنية

تاسعاً : اربط المعلومات الي ف الموضوع الواحد ببعضها .

عاشراً : قوم نام بقي ... لأ منقصدش دلوقتي نقصد نام كفاية و بالذات ف الايام بتاعت الامتحانات دي عشان تدخر اكبر قدر ممكن من تركيزك و نشاطك .


إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
مواقع مفيدة ومهمة
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا