× ×
منصة معارف التعليمية

نبذة عن علم الميكروبيولوجي الجينات، والهندسة الوراثية والعلوم البحرية

نبذة عن علم الميكروبيولوجي الجينات، والهندسة الوراثية والعلوم البحرية

أهلًا بكم في أسبوع الميكروبيولوجي، ابتدًاء علم الميكروبيولوجي هو فعلًا علم قديم ومعروف كطلبة كليات العلوم في مصر خاصة وفي برا مصر عامة، بس واحدة واحدة خلينا نعرف العلم ده ايه.

علم الميكروبيولوجي هو العلم اللي يهتم بكل تفصيلة دقيقة في عالم الكائنات الدقيقة اللي في لغتنا كده مش بنقدر نشوفها بالعين المجردة.

طبعًا عارفين ومتأكدين وسمعتوا كتير عن حالات فيروس سي (التهاب الكبد الوبائي سي)، التسمم الغذائي نتيجة أكل ملوث، مرض الحصبة أو الجدري...إلخ

المعظم من الأمراض اللي بتحصلنا بتبقى سببها كائنات دقيقة منقدرش نشوفها، منتشرة تقريبًا في الهواء، المية، الأكل زي الخضار والفواكه واللحوم.

جه العلم اللي يكشف لنا ده كل أنواع الكائنات الدقيقة، لكن في الأغلب أن طالما فيه الوحش هيبقى فيه الحلو والخير، مش كل الكائنات الدقيقة بتسبب أمراض !، مع تطور العلم وتقدم في الطب والزراعة والصناعة حتى، بدأنا كمان نستخدم علم الهندسة الوراثية لتعديل الجيني لمعظم الخضار أو الفواكه أو حتى البكتيريا الممرضة اللي ملهاش علاج تتحول البكتيريا غير ممرضة وصديقة للكل، الموضوع معقد بس مش مستحيل.

 

علم الميكروبيولوجي واسع جدً، وعلشان تبدأ في العلم ده، لازم يبقى عندك خلفية عن تركيب الخلية سواء النباتية، الحيوانية، البكتيريا أو حتى الفطريات انتهاءً بالفيروسات، عالم تاني عايش متهني، بيطور كل يوم بعيد عننا ويمكن حتى بيطور كل ما احنا ((البشر والأرض )) بتتطور.

وعلشان أنت كطالب علم واجب عليك تكون ملم بكل حاجة؛ حيث إن الميكروبيولوجي مش بتكتفي بالخلية، تقدر كباحث علمي تربط أكثر من كائن دقيق زي البكتيريا والفيروسات مع بعض، لو بصيت على أغلب الأبحاث هتلاقي التجربة فيها على الأقل كائنين بيخدموا نفس الفكرة، ومش بس كده تقدر تربط أكتر من علم مع علم الميكروبيولوجي زي الكيمياء،  والفيزياء، و علوم النانوتكنولوجي ، الخلايا الجذعية...إلخ.

 

وصل العلم الميكروبيولوجي بردو أنه يرتبط بالجينات، والهندسة الوراثية والعلوم البحرية كمان وحتى البرمجة!، زي ما قولنا من الأول خالص علم الميكروبيولوجي جدًا جدًا علم واسع مرتبط بالعلوم الثانية وسهل أنك تكون فكرة بحثية منه.

 

بتتصنف بردو لعلوم فرعية كل فرع بيدرس كائن دقيق كل واحد على حدة بتصنيفه، الأمراض المسببة، تأثيره على الحيوان والنبات، انتهاءً بتطبيقاته في الصناعة أو التحكم البيولوجي لبعض الكائنات اللي ملهاش علاج أو حل لحد دلوقتي.

وعشان أسهل عليك علم أربع سنين كلية في كلية زي كلية علوم جبتلك لينكات تقدر تدخلهم كل واحد لوحده بالترتيب:

 

اللينك ده علشان تاخذ العلم من الأول ابتدًاء من تركيب الخلية :

https://www.youtube.com/playlist?list=PLqTetbgey0acuF2wsTispLDzZVKDyOEev

 

ما تنساش تشوف حلقات قناة ال Crush Course الميكروبيولوجي وبصورة اوسع شوية :

 

https://www.youtube.com/playlist?list=PLVQ5cETbHzM0xnm4wQkNUw4-stqREf2GX

 

قناة خان أكاديمي التعليمية لا يعلى عليها في شرح كورس البيولوجي من الأول وسهل جدًا وهتخلص بسرعة لو وقتك ضيق:

https://www.youtube.com/playlist?list=PL7A9646BC5110CF64

 

كتاب مراجعة على علم الميكروبيولوجي سهل وبسيط هو بالأنجلش :

http://ocw.jhsph.edu/courses/EpiInfectiousDisease/PDFs/EID_lec2_Dick.pdf

 

نيجي نتكلم على الأقسام أو العلوم الفرعية لعلم الميكروبيولوجي

١_علم البكتيريا : وده علم كل كلامه عن البكتيريا بتصنيفها وأمراضها وحتى لها شغل عملي خاص بيها هيا بس نزولًا بالتطبيقات بتاعتها القديمة والحديثة.

 

٢- علم الفطريات: وده مش بيتوصى من كتر المضادات الحيوية المنتجة منه زي البنسيلين لمرض السكر، وكذلك تصنيفه وأمراضه ومسميات الفطر والتطبيقات كمان.

 

٣- علم الفيروسات: علم يهتم بتركيب الفيروس والذي لا يتشابه بتاتًا مع أي علم من العلوم المذكورة؛ من حيث التركيب والتصنيف والمسببات والخطورة وكيفية التعامل معها في ال Lab وهو علم يكاد يكون واسع جدًا وله شغل عملي في المراكز البحثية خاصة مختلفة عن العلوم الأخرى.

 

٤- علم المناعة: العلم الحصين لطالب علوم، كل مسميات خلايا الدفاع في الجسم البشري أو حتى النبات يشرح فيه الجهاز المناعي والجهاز الدفاعي في النبات ضد الميكروبات أو الكائنات الخارجية.

 

٥- علم السموم: علم إنتاج السموم من البكتيريا أو الكائنات الدقيقة وكيفية الإخراج حتى ليها تصنيف لوحده حسب كل كائن بينتج من السموم.

 

٦- المضادات الحيوية والأمصال .

٧-ميكروبيولوجيا البيئة.

وضيف على كده علوم كثيرة جدًا مستخدمة في الأبحاث العلمية مرتبطة مع علوم أخرى.


كتابة ومراجعه : هديل اسامة



 


إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
معرفة شخصيتك من إصبعك الخنصر
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا