× ×
منصة معارف التعليمية

افضل طريقة الحصول على 50,000 كورس مجانى بشهادات من British Council

افضل طريقة الحصول على 50,000 كورس مجانى بشهادات من British Council

فى التعاون السنوى بين الـ British Council وموقع  Future Learn يقرروا يطلقوا حملة "أدرس فى بريطانيا - Study UK" وكمان تاخد شهادة مجانية

 

 

كنوع من الدعايا فى المقام الأول للBritish Council لكنها دعاية فى محلها النفعى جداً، وكنوع من تقديم قيمة مضافة فعلياً على حياة الاشخاص اللى بيعتمدوا على التعليم الذاتى" وطبعا "أغلب" الكورسات المتاحة على الموقع مجاناً تماماً ولكن  بالشهادة هتكون قيمتها بيتراوح ما بين 32 إلى 68 يورو، بس فى التعاون ده مقدمين اكتر من 50,000 شهادة مجانية لعدد كبير جدا من الكورسات.

 

هشرحلك فى المقالة دى ازاى تحصل على الكورسات بالشهادات المجانية بالخطوات والصور

مين يقدر يحصل على الشهادات؟

فى البداية كانت الحملة على 377 دولة فقط، فضلت تتوسع لحد ما شملت 140 دولة. وطبعا منهم مصر واغلب الدول العربية.

 

وعشان تحصل على الشهادات لازم تتوفر الشروط دى:

  1. تكون من البلد المذكورة فى الدول.
  2. تخلص الكورسات المتاحة مجاناً قبل 16 يناير 2019
  3. خش ع 5 خطوات جوا الكورس ودوس على "mark as complete"
  4. تنجز 90% من الكورس وتكون نسبة انجازك تعدى الـ 70%
  5. مبروك تقدر تحصل على الشهادة مجانا

ما هى نوعية الكورسات المتاحة؟

الكورسات ملهاش نوعية محددة، لكنها بتتنوع بين الكورسات الطبية، وكورسات البزنس، وكورسات التعليم، وفى دبلومة لطيفة عبارة عن 5 كورسات فى مجال البزنس، ودبلومة فى التعليم كذلك هتلاقيهم فى كورسات متفرقة على الموقع.

ازاى تقدر تحصل على الكورسات؟

هتدخل على لينك الموقع من الرابط التالى

 

https://futurelearn.com/study-uk-courses

طب لو عايز تعرف ان دولتك من الدولة المؤهلة للعرض ولا لا هتدخل على الموقع وهيظهرلك صورة زى دى هتختار فيها اسم دولتك

اكتر من 50000 كورس مجانى بشهادات معتمدة من  Future learn


بعدها هتدوس على السؤال ده "Can I get a free digital upgrade"؟
ولو دولتك مؤهلة للعرض هيجيلك الاجابة دى

اكتر من 50000 كورس مجانى بشهادات معتمدة من  Future learn

بعدها هتدخل على رابط الكورسات اللى موجود فوق وتختار الكورس اللى نفسك فيه

طب تحصل على الشهادة ازاى؟
بعد ما تخلص 5 خطوات فى الكورس، سواء كانت فيديوهات او مقالات تقراها حسب الكورس اللى بتتعلمه
هيجيلك اشعار فوق زى الصورة دى، هتدوس على "Claim Now"

اكتر من 50000 كورس مجانى بشهادات معتمدة من  Future learn

بعد هتروح لصفحة زى دى، تملى فيها بياناتك والاسم اللى تحب يكون موجود على الشهادة وبعدها هتدوس على "Claim your free digital upgrade now"

اكتر من 50000 كورس مجانى بشهادات معتمدة من  Future learn

بعدها هتكمل الكورس عادى، كدة انت بقيت مؤهل انك تمتحن ولما تجيب درجة اعلى من 70% هتحصل على الشهادة بالاسم اللى كتبته زى الشهادة دى

اكتر من 50000 كورس مجانى بشهادات معتمدة من  Future learn

كدة مبروك عليك الشهادة وتقدر تطبعها او تحطها فى الcv الخاص بيك، بس افتكر ديما ان اهم من الشهادة هو تطبيق المعلومات اللى فى الكورس، لان "نور العلم يكتمل بالتطبيق"

فى النهاية: حاول تستغل اى فرصة قدامك فى انك تطور من نفسك وتكتسب مهارات جديدة، لان اهم اسثتمار فى حياتك هو اسثتمارك فى نفسك. وتاكد ان كل ما هتطور من نفسك اكتر كل ما فرصك هتكتر وقيمتك فى الحياة وسوق العمل هتكبر وهتعيش حياة افضل.

متنساش تكتب تعليق لو حابب ابعتلك فيديو التطبيق العملى، وتقدر تشترك فى قناتنا على اليوتيوب من هنا: رابط القناة

 

المصدر


إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
كورسات لتعلم الرسم من البدلية للاحتراف
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا