× ×

افضل تطبيق لتحسين مهارة النطق والاستماع فى اللغة الانجليزية


الشخص اللي عاوز يحسن مهارة الإستماع والنطق عنده ف الإنجليزي 

فى تطبيق اسمه 

eJOY Learn English with movies‏

البرنامج ده بنسبة كبيرة انت ممكن تكون ماشوفتوش قبل كده او شوفته ومادخلش دماغك او حسيت انك مش عارف تتعامل معاه لكن االغريب انك تضيع كنز زي ده من ايدك وده بسبب المميزات اللي فيها واغلب اللي استخدموه مش عارفينها وهي:
 البرنامج عبارة عن حصيلة من الفيديوهات وقتها بيتراوح بين 1 ل 3 دقائق غالباً ومقسم لكذا خانة مثلاً خانة زي ال since and technology دي انت مش هاتشوف فيها فيديوهات الا ف المجال ده لو انت حابب كده وفي ال Movies و English skills و..... الخ
كل فيديو من الفيديوهات ليه زي زر كده تحت الفيديو لتبطيئ الصوت وزر آخر لإزالة ال Subtitle وده طبيعي عشان هاتسمعو كذا مره وف الآخر هاتسمعو من غير subtitle عشان تشوف انت كده اللي سمعتو عارف تترجمو ف دماغك ولا لا
بعد مابتقعد تعيد وتزيد ف الفيديو عشان بتبدأ تدوس على زر ال study عشان يفتحلك كذا خانه عشان تتأكد انك هاتنمي المهارة يعني هاتنميها وهم:
*خانة ال Listening وهو انو بيشغل الفيديو متقطع جمله جملة جملة بعد كل جمله تسمعها بيعرض بعد مدة الوقت اللي سمعتها فيه ال subtitle بتاعها ويمشي النظام ده بطوول الفيديو وبعد كدة تخلص وبعدها:
*خانة ال Speaking وهو ان كل جملة هاتتنطق وادامك باردو ال subtitle بتاعها بس هايطلب منك تنطقها ويقيم نطقك ومن مميزات البرنامج ده اوي انك لو راجل اغلط
عشان كده بيظهر ال definition بتاع كل صوت ف كل كلمة عشان لو غلطت ف نطق صوت ف يدربك عليها وتعمل speak من تاني وتشوف التقييم وتسمع الفرق بين صوتك وصوت النيتيف ف بالتالي انت بتحسن ال. Speaking
*خانت ال choices وهي بيجيملك الجملة ناقصة وفيها اختبارات بالكلمات والترتيب بعد مابتسمعها
*خانة ال Writing وهو انك انت بتسمع الجمله ويكون كاتبهالك ناقصة ف انت بتكملها عشان تكون عارف ان النطق ده بتاع الجملة دي.
*وبعد كدة خانات ال Gaming وهي انك وانت بتسمع الفيديو لاول مره لو فيه كلمه مش عارف تترجمها ف بتدوس عليها ف بتظهر ترجمه انجليزي انجليزي وبعدين انجليزي عربي ف بعدها بتتضيفيها للقاموس ف بتظهر ف الخانة دي عشان يضربك عليها ف الآخر وامثلة عليها وكده
الصراحة البرنامج فيه مليون حاجه بس دوول اهمهم وبالمناسبه البرنامج في حاجات مدفوعه بس كل اللي عليك انك تفتح صندوق الهدية بتاع كل يوم وتاخدهم ويكون معاك ازيد من 20 joy عشان تفتح درس غير كده هاتضر تدفعو
وبالفعل انا شغال عليه بقالية شهرين من غير ما احتاج اني ادفعه وهو ان كل يومين كده باخد فيديو واحد وانا اصلا كل يوم تقريبا باخد 20joy
طيب هاتشتغل غليه ازاي
اول حاجه اسمع الفيديو مع تبطيئ النطق وبعدين شغلو مره كمان بالسرعه العاديه وبعدين شغلو مره كمان من غير subtitle وادخل عالخانات بتاعة ال study ع طوول
وماتنسوش يا جدعان الاستماع بتتحسن بالتكرار المستمر للنطق والكلمات اللي انت بتسمعها
وفعلاً والله البرنامج فرق معايا جداً وهاتحبوه وربنا يوفقكم جميعاً 

التطبيق:

https://play.google.com/store/apps/details…

تكملة القراءة
اقرأ ايضا
عاوز تتعلم انجليزى وتتكلم مع اجانب وببلاش ؟