× ×
منصة معارف التعليمية

كيف تتعامل مع موقع upwork وتنشىء حساب عليه

كيف تتعامل مع موقع upwork وتنشىء حساب عليه

بص يا سيدي أول حاجة لازم تعرفها ان upwork عامل عضويتين:

العضوية الاولي Freelancer بتنقسم لحاجتين:
1️⃣ عادية بتديك 20 connection مجانا
2️⃣ بتدفع 15$ وبيكون فيها بعض المميزات عن العادية زي مثلا بتديك 70 connection وبتخليك تقدر تشوف سعر الـ freelancers اللي مقدمين علي نفس الشغلانة ودا بيساعدك في انك تحدد سعرك كام وكمان بيخليك تقدر تغير شكل ال url بتاعك

العضوية الثانية Agency بتنقسم لحاجتين:
1️⃣ عادية بتسمحلك انك تضيف شخص واحد معاك فالـ Agency
2️⃣ بتدفع 15$ وبيسمحلك تضيف اي عدد من الافراد اللي انت عايزهم معاك فالـ Agency وبيديك 10 connection فوق اللي معاك ولو اتبقي حاجه ممكن يحولهم الشهر اللي بعده وكمان بيخليك تقدر تغير شكل ال url بتاع الـ Agency

*(علشان تقدم علي كل شغلانة بيتخصم منك 2 connection)
_____________________________________

بالنسبة للمشاكل اللي بتظهر في upwork هقسمهم لنوعين:

1️⃣ مشاكل وانت بتعمل الاكونت
 ممكن يقولك ان الـ skills بتاعك مش بتناسب الـ market place وفي الحالة دي بتروح تعدل الـ skills ونخليها متوافقه مع الـ job title اللي انت حاطة، وخلي بالك هما مش عايزين حد يكون عارف كل حاجه هما عايزن الشخص يكون متخصص ف المجال بتاعه، وانت اصلا ممكن تعدل الحاجات دي براحتك بعد الاكونت ميتقبل.

 ممكن يقو ان الـ بروفايل بتاعك مش متوافق مع الـ guide lines وفي الحالة دي لازم تتأكد انك حاطت صورتك واضحة وان الاسم اللي انت كاتبه هو اسمك ف البطاقة.

بالله عليكم ملاقيش حد حاطتلي صورة كريستانور رونالدو او واحدة حاطة اسمها سفيرة الاحزان وجاين يسألوا ليه الاكونت بتاعهم متقبلش

2️⃣مشاكل بتظهر بعد متعمل الاكونت ودي بتحصل لاكتر من سبب (مشكلة فالاكونت او حد عمل عليك ريبورت او هما بيعملوا تاكيد عشوائي) وفي الحاله دي بيطلب منك اثبات شخصية فممكن تبعتلهم صورة البطاقة او ممكن يكلموك video call عشان يتأكدوا انك الشخص الموجود فالصورة.
_____________________________________

أما بئي بالنسبة للشغل نفسه فهما نوعين:

1️⃣سعر ثابت (fixed price job) يعني بتتفقوا علي سعر معين للشغل بغض النظر عن الوقت اللي هتقضيه فالشغلانة دي، وكمان في ميزة ان لو المشروع بير ممكن تقسمه علي اجزائ وكل جزئ بتاخد نسبة معينه من الفلوس والموضوع دا اسمة milestones

2️⃣الحساب بالساعة (Hourly job) ودا ليه طريقتين
 الاولي (manual) بتيجي اخر الاسبوع تقوله عدد الساعات ويحاسبك عليهم
 التانية (automatic) ودي بتتم عن طريق برنامج بتحمله علي جهازك بيحسب عدد الساعات اللي بتشتغلها للعميل وكمان بياخد screenshot وبيحسب عدد الـ click علي الكيبورد او الماوس فخلي بالك بئي


إختبار تحليل الشخصية من منصة معارف - حلل شخصيتك الآن > >
تكملة القراءة
سيرتك الذاتية " CV " هي أول مستند وأول دليل على كفاءتك في العمل
وتقوم منصة معارف بمساعدتك لإنشاء سيرتك الذاتية بإحترافية

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
كورسات ودورات تدريبية سعودية - منصة دروب التعليمية دورات معتمدة
×

يجب ان يكون لديك حساب داخل المنصة
حتى تستطيع المشاركة و التفاعل مع التعليقات

سجل الآن مجانا