افضل تجميعة مواقع تقدر تتعلم منها اى مجال نفسك فيه

أهم وأقوى المواقع اللي تقدر تتعلم منها اى مجال نفسك فيه من بيتك مجانا، وهتلاقي مواقع عربي وانجليزى عشان ميكنش ليك حجة. 💪🤩

حرفيا لو قعدت كل يوم نص ساعة بس علي أى موقع من المواقع دى لمدة 6 شهور أو سنة هتتعلم مجالات ومهارات عمرك ما حلمت بيها، وهتزود فرصك جدا في سوق العمل وتشتغل في مجالات بتحبها مش مفروضة عليك ;)

نبدأ بمواقع الكورسات الأونلاين العربية:

1- موقع: www.prceg.com
موقع تعليمي مهتم بنشر ثقافة التعلم الذاتى والكورسات الاونلاين، هتلاقي عليه شرح خطوة بخطوة بالصور، والفيديوهات لأقوى مواقع الكورسات الاونلاين في العالم!
هتلاقي في الموقع ده شرح لكل المواقع المذكورة في البوست وكمان ترشيحات لأهم الكورسات الاونلاين اللي ممكن تبدأ بيها.

2- موقع إدراك: https://www.edraak.org
موقع عربي بيسعي أنه ينافس عالميا بإثراء المحتوى العربي، هتلاقي عليه كورسات عالية الجودة مجانا، من خبراء العالم العربي والعالمي.

3- موقع رواق: https://www.rwaq.org
موقع عربي بيقدم كورسات اونلاين مجانية في مجالات مختلفة ومتنوعة، بيقدم الكورسات دى أكاديمين متخصصين من أنحاء الوطن العربي كله.

4- موقع نفهم: https://www.nafham.com
موقع مميز جدا بيقدم شرح مبسط لمناهج التعليم المدرسي في مصر وسوريا، والسعودية، والجزائر، والكويت، مشترك عليه أكتر من مليون طالب .. ممكن تعتمد عليه وتوفر فلوس الدروس..

5- منصة نون: https://www.noonacademy.com
يعتبر الموقع ده أكبر شبكة تعليمية فى الوطن العربي هتلاقي عليه دروس في (الرياضيات - إنجليزى - فيزياء - كيمياء .. إلخ)

ندخل بقي على المواقع الأجنبية العالمية..

6- موقع كورسيرا: https://www.coursera.org/
أقوي موقع تعليمي في الوقت الحالي، كل كورس علي كورسيرا بيتقدم من أفضل جامعات العالم، وأفضل خبراء العالم في المجالات المختلفة .. حرفيا ممكن تتعلم من عليه مجالات عمرك ما سمعت عنها ومن أفضل جامعات العالم وانت قاعد في بيتك.

7- موقع يوديمي: http://bit.ly/2nBtBCp
لو عايز تتعلم مهارات مختلفة بشكل سريع وممتع يبقي يوديمي هو أفضل خيار ليك، هتلاقي عليه كورسات في أى حاجة حرفيا، زى ما بيقولوا "من الإبرة للصاروخ" :D

8- موقع إيدكس: https://www.edx.org/
عايز تتعلم في جامعة هارفارد من بيتك؟ يبقي تجري علي الموقع ده وتستمع بالمحتوى العالمي الموجود عليه.

9- موقع ليندا: https://www.lynda.com/
واحد من المواقع المقربة لقلبي والمحتوى عليه بيجيب من الاخر، وبيكون منظم وشرح مبسط جدا.. وهتلاقي عليه كل المجالات المطلوبة في سوق العمل.

10- موقع: https://alison.com/
عليه أكتر من 1000 كورس في مختلف المجالات بأكثر من 12 مليون متعلم من جميع أنحاء العالم، وهتلاقي عليه حاجة اسمها "Learning path" يعني مسار تعليمي بيكون منظم وشرح سهل وممتع.


ليصلك منشورتنا وكل جديد على الفيس بوك اضغط هنا

اقرأ ايضا

كورسات ومصادر ومواقع كتير لتعلم الرسم بانواعه

المقالات

الدورات التدريبية